Vuogas vuolgga Márkomennui 2016is

Festivála Márkomeannu viehkala jagi 2016 sisa, ja juovllain válljejuvvui áibbas ođđa stivrra festiválii. Ođđa stivrajođiheaddji Eirik Larsena áigodagas, lea festiválas ulbmil šaddat oasussearvin.

Eirik Larsen, guhte lea riegádan ja bajásšaddan Junterođus Skániid márkogiliin, muitala sus lea álo leahkán earenoamáš čadnojupmi su ruovttogili festiválii.

– Lean leahkán sihke eaktodáhtolaš bargin ja festiválamannin álggu rájes 1999as, ja illudan beassat álgit stivrajođiheaddjibarggu. Mu bargu lea vuosttažettiin loktet Márkomeanu ođđa áigái, muitala Larsen, guhte lea oahpahallan jurista ja bargá Sámi- ja minoritehtapolitihkalaš ossodagas Suohkan- ja ođasmáhttindepartemeanttas.

Ođđaválljejuvvon stivrajođiheaddji čujuha ođđasisorganiserenprosessii Márkomeannu Searvi, midjas oamasta festivála, bijai johtui 2015is. Ođđasisorganiserema ulbmil lea nuppástuhttit festivála organiserenvuogi eaktodáhtolaš searvvis oasussearvái, ja dasa lassin veahkehit profešonaliseret ja ovdánahttit festivála.

– Organisašuvnnas leat máŋga rievdadusa jođus, muhto festiválaguossit besset ain vásihit Márkomeanu nu go mii dobdat dan otne. Ain galgá dát earenoamáš kulturvásáhus maid beare fal oažžu Márkomeanus leat guovddážis, sihkkarastá ođđaválljejuvvon stivrajođiheaddji.

Ovttas festiválajođiheddjiin Marita Eilertsen, galgá Larsen bearráigeahččat ahte festiválaguossit ain besset vásihit Márkomeanu máŋga jagi ovddošguvlui.

Márkomeannu lea sámi musihkka- ja kulturfestivála midjas jahkásaččat lágiduvvo Evenáši ja Skániid suohkanrájis. Festivála presentere juohke jagi sámi artisttaid, dáiddáriid ja kulturolbmuid olles sámi guovllus. Prográmmas gámná musihka, visuála dáidaga, lávdedáidaga, girjjálašvuođa, semináraid, valastallamiid, vádjolusaid, sámi márkana, ja vel sierra mánáid- ja nuoraidprográmma.

Nie lea olles ođđa stivra:

Stivrajođiheaddji: Eirik Larsen
Nubbinjođiheaddji: Camilla Brattland (ovddeš Riđđu riddu-jođiheaddji Gáivuonas)
Lars Theodor Kintel (nuorra, sámi gründer Divttasvuonas)
Ellen Berit Dalbakk (ovddeš Márkomeannu-buvttadeaddji)
Beatrice Fløystad (máŋggajahkásaš festiválabargi ja ovddeš jođiheaddji Márkomeanus)
1. várrelahttu: Ane Margrethe Ugelvik
2. várrelahttu: John Andreas Myrnes Balto