MO BEASSAT MÁRKOMENNUI?
Márkomeannu lágiduvvo Gállogiettis áiddo Nordlándda ja Romssa fylkkarájá alde Norgga bealde Sámis. Gállogiettis leat 5 miilla Hársttaide, 8 miilla Áhkánjárgga gávpogii, 22 miilla Gironii ja 26 miilla Romsii.
Lea álkimus biillain boahtit Márkomennui. Vuoje áinnas ovttas earáiguin, lea guoibmát, ja sihke biras ja ruhtabursa liikojit dasa!
Jus boađát vuoji Márkomennui Harsttak guovllus, mohkas E10:is 1,3 km Evenášši girdišilju nuorttabealde, gurut guvlui. Das lea 4,5 km festiválabáikái. Čuovo galbbaid mat čujuhit Márkomennui dahje Gállogieddái.
Go joavddat festiválabáikái, de fertet biilla guođđit fylkkageainnu gurrii ja vázzit maŋimuš 400 mehtera vuostáláhkii Gállogieddái. Lea nuvttá guođđit biilla dasa.
Lea maiddá vejolaš mátkkoštit girdiin dahje bussiin Evenášši girdišilljui (Harstad/Narvik lufthavn), mii lea 6 km Gállogiettis eret. Girdihápmanis lea vejolaš váldit drošše festiválabáikái.