-----------------------------------------------------------------------------Govven: Mari A. Lorentsen
Elin Kåven boahtá fas Márkomeannui.
Dat mystálaš ja ođđaáigásaš jietnagovva mii lea guovddážis su musihkas berre heivet erenoamá bures Márkomeanu festiválaguvlui muhtin suoldni geasse-eahkeda.
Ja de lea Elin Kåvena čajáhusain čoavjedánsun dehálaš dovdomearkan. Son lea okta dain moatti olbmos Norggas geat dánsot Tribal Fusion; jazza, funka, flamenco ja orientálalaš čoavjedánsun seaguhuvvon.
Dát erenoamáš seaguhus árbevirolaš luđiin ja ođđaáigásaš čoavjedánsumiin lea doarvái buorre sivva vuolgit geahččat Elin Kåvena dán jagi Márkomeanus lávvardaga.
Lávvardat borgemánu 1. b., Gállogieddi
