Loga prográmmagihpu
Márkomeannu dárbbaša eaktodáhtolaš bargiid máŋgga iešguđetlágan suorgái. Eaktodáhtolaš bargin oaččut festiválapássa ja Márkomeannu oanehissoaját báiddi. Dán oaččožit fertet bargat unnimusat gávcci diimmu.
---Eaktodáhtolaččat bargat lea buorre vuohki
---leahkit festiválas. Mii dárbbašit moddjái,
---berošteaddji ja barggánis olbmuid
---veahkkin lágidit dán jagi Márkomeanu.
---Lea ollu bargu, muhto hui suohtas nai!
---Maid oaččut?
---Eaktodáhtolaš bargin oaččut nuvttá
---festiválapássa midjas addá dutnje
sisa-
---beassama visot doaluide
Márkomeanus.
---Oaččut nai nuvttá Márkomeannu oane-
---hissoaját báiddi ja nuvttá juhkosa dan
---botta go
leat bargame.
Dasa
lassin
---beasat vásihit Márkomeanu
siskkobealde,
---šattat oassin min
festiválaaktavuođas ja
---veahkehat reidet máilmmi hearvámus
-----------------------------------------------------festivála!
Maid gáibidit mii?
Mii gáibidit ahte barggat unnimusat gávcci diimmu, boađát njuolga áigái ja leat reiddas bargat go dus lea vákta. Ii leat lohpi juhkat alkohola go dus lea vákta. Mii gáibidit nai ahte don leat mielde diehtojuohkinčoahkkimis festivála ovdal. Márko-
meannu viggá dahkat nu ahte beasat bargat du válljejuvvon bargosuorggis ja bargoáiggis, muhto eat sáhte lohpidit ahte gaittiinnat besset bargat jur dan man háliidit. Mii lohpidit baicce dahkat nu ollu go vejolaš sihkkarastit ahte don oaččut hávskes vásáhusa eaktodáhtolažžan.
Sáhttát dieđihit eaktodáhtolaš bargin e-poastan, eaktodahtolas@markomeannu.no, dahje telefuvdna bokta dan nummárii:
+47 974 21 827. Čále gonnes ja goas siđat bargat. Váldde aktavuođa seamma
e-poasttain ja telefuvnnain jus dus leat gažaldagat.
MÁRKOMEANNU DÁRBBAŠA EAKTODÁHTOLAŠ BARGIID ČUOVVOVAŠ SURGGIIN:
SISABEASSAN
Gaittiinnat geat galget sisa festiválabáikái, fertejit atnit albma festiválabátti. Diekkára beassá oastit sisabeassamis luohkás bajás festiválajalgii. Sisabeassan rahpá bearjadat iđida ja lea rabas nu guhka go festiválabáiki lea rabas gussiide. Dánne vuogdidovvojit sihke festiválapássat ja beaivebileahtat. Sáhttá máksit ruđain ja koarttain.
DIEHTOJUOHKIN JA AKKREDITEREN
Festiválaguossit geain leat gažaldagat dahje dárbbašit dieđuid juohkelágan diŋggaid birra, sáhttet deike diehtojuohkin- ja akkrediterenkantuvrii vuolgit. Dánne vižžojuvvojit nai nuvttá festiválapássat Márkomeanu akkrediterejuvvon gussiide ja veahkeheddjiide (eaktodáhtolaš bargit, ovttasbargit ja bovdejuvvon guossit). Sii ožžot sin festiválapássaid dánne. Diehtojuohkin ja akkrediteren lea aktivitehta-viesus geainnu guoras. Rahpá bearjadat iđida ja lea rabas gitta sullii dii. 21.00 sihke bearjadaga ja lávvardaga.
VUOGDIN
Kioskkas festiválabáikkis vuogdiduvvojit smávvabiebmu ja juhkosat. Dasa lassin lea Márkomeanus márkanbuvda festiválabáikkis gonnes vuogdiduvvojit t-skirttut ja eará Márkomeannu-gálvvut. Sihke kioska ja buvda rahpet bearjadat iđida ja leat rahpasat gitta kl. 01.00 ihkku sihke bearjadaga ja lávvardaga. Sáhttá máksit ruđain ja koarttain.
SIHKKARVUOHTA
Sihkkarvuođavávttaid deháleamos bargu lea sihkkarastit ahte geahččit ožžon fiinna festiválavásáhusa. Márkomeannu dárbbaša vávttaid sajiin nugo sisabeassamis, parkeremis, festiválajalggas, backstageas ja vuosehusain. Eanemus dain posttain fertet leat boarráset go 18 jagi.
BIRAS
Festiválabáiki galgá álo leat ráinnas ja čorgejuvvon, ja Márkomeannu galgá birrasa gáhttet. Birasvávttat galget čorget ja sirret ruskkaid. Dat midjas lea buorre diekkár bargguin lea ahte beasat čuovvut mielde dan midjas geavvá festiválabáikkis seammás go bearráigeahčat birrasa!
FIEVRRIDEAPMI
Mii dárbbašit gevrejeddjiid geat sáhttet sihke doalvut olbmuid riššui, gevret olbmuid geat dárbbašit sáhtu festiválajalgii ja doalvut artisttaid ja gálvvuid. Dánne gáibiduvvo dieđun ahte dus lea gevrenkoarta ja ahte leat muđui buorre ja smiđđa gevrejeaddji.
Mii dárbbašit du – siđat go?