Loga prográmmagihpu
Márkomeanu váldo-festiválabáiki lea Gállogieddi olgomusea Evenášši suohkanis.
Gállogieddi lea márkosámi dállu mas olbmot orro dolin ja mii dál lea musea.
Dállu lea vári vuolde várddus báikkis mas oaidná Davvi-Nordlándda ja Lulli-Romssa márkosámi gilážiid.
Dálus ásse olbmot 1770 rájes, muhto Gállogietti dálá viesut leat huksejuvvon sullii mannan jahkečuohtemolsumis. Sullii 1960 fárrejedje maŋemus olbmot eret dálus, ja jagis 1992 rahppui ođasmahtton Gállogieddi musean. Musea lea rabas turisttaide geasset.
Festiválascene lea dálu davvinuortalis. Musea biras ja buorre várdu mas oaidná guhkás viiddis márkosámi giliid badjel, addá Márkomennui čalbmáičuohcci ja erenoamáš ramme.
