BORDERLINE, SÁPMI

Gonnes álgá ja nohká sámi girjjálašvuohta? Márkomeanu festiválagirje-
rádjosis oažžu vástádusa.

Endre Ruset lea čállán guokte diktagirjji ja lea Norgga Girjjálašvuođafestivála dáiddalaš jođiheaddji. Son lea bajásšaddan Moldes, muhto su boaresáhčči lea márkosápmelaš bajásšaddan beare moadde kilomehtera eret festiválasajis. Ruset čállá dárogillii.

Endre Ruset. ----------------------------Preassagovva

Kathrine Nedrejord debuterii diibmá Transitt-nammasaš románain. Son lea bajásšaddan Nøtterøyas, muhto goabbat vánhemiin lea sámi duogáš Finnmárkkus. Nedrejord čállá dárogillii.

Kathrine Nedrejord. -----------------------------------------------------Govven: Finn Ståle Felberg

Sáhttá go dan gohčodit sámi girjjálašvuohtan? Lea go sámi girjjálašvuohta go sápmelaš čállá? Bearjadaga sihke Endre Ruset ja Kathrine Nedrejord boahtiba lohkat veahá sin girjjiin festiválagirjerádjosis. BORDERLINE, SÁPMI lágiduvvo lávvardaga.

Festiválagirjerájus lea ovttasbargu Márkomeanu ja Nuortalátti ja Romssa filkkagirjerádjosiid gaskkas. Lea rabas juohke beaivvi festiválas, ja doppe sáhttá sihke lodnet girjjiid, laddet mobiilla ja iskat interneahta.

Festiválagirjerádjosa rahpanáiggit
Duorastat suoidnemánu 28. beaivi: 17.30–19.00
Bearjadat suoidnemánu 29. beaivi: 11.00–19.00
Lávvardat suoidnemánu 30. beaivi: 11.00–19.00

Prográmma festiválagirjerádjosis
Bearjadat suoidnemánu 29. beaivi
14.00 Multimediačájálmas mánáide: Steven Burrough Karen Anne Buljo
17.30 Čálliidlohkan Endre Ruset ja Kathrine Nedrejord

Bearjadat suoidnemánu 30. beaivi
13.30 Girjealmmuheamit Skániid girjie
17.30 BORDERLINE, SÁPMI Endre Ruset ja Kathrine Nedrejord

Loga multimediačájálmasa Karen Anne Buljo:iin birra
Loga girjealmmuheamiid birra

Norsk side