Loga prográmmagihppaga
Iešoaivválašvuohta rahppojuvvo go Márkomeannu bovde vilda juoigandánsu-seaguhussii lávvardateahkeda musihkkaprográmma ovdal.
-----------------------------------------------------------------Govven: Elle Sofe Henriksen
Elle Sofe Henriksena dánsojoavku deaivvada festiválajuigiiguin vuosehusas gonnes improdáidda lea guovddážis. Dát mearkkaša ahte visot sáhttá geavvat!
Sámi koreográfa Elle Sofe Henriksen oaččui miessemánus ihána buriid árvosániid su eksámenvuosehusa ovddas Oslo Dáiddaallaskuvllas. Aftenposten oaivvildii Henriksen lea nu vuoimmalaš ahte sus lea potensiála šaddat dánssu Mari Boine.
Dán geasi lea dus vejolašvuohta su koreografiijaid vásihit Márkomeanu jalggain.
Lávvardat suoidnemánu 31. beaivi dii. 19.15, Gállogieddi