Loga prográmmagihppaga
Dán jagáš váldočájáhus Márkomeanus šaddá eará lágan vásáhus.
Sierraoaivila skovláčájeha ođđa hámiid oahppamis čájáhusláđus Gállogiettis. Váldočájáhus bovde gussiid searvat iskosiid mii hástala min ovdalgihtii jurddašuvvon jurdagiid man birra ja mo oahpahus galgá leat.
Márkomeannu duostá. Duosttat go don?
Sierraoaivila skovlá lea sorjjasmeahttun forum fágaidrasttildeaddji digaštallamiidda huksendáidaga, hábmema ja dálááiggi dáidaga birra, mas lea iešoahppan ja diehtojuohkkin guovddáis. Workshopaid bokte suokkardit joavkkus oahppama ja teorehtalaš subjektivitehta oktanaga. Almmolaš boađus dákkár proseassas láve dábálaččat čoahkkáigessot fanzine-gihppagii.
Dat geat leat mielde Sierraoaivila skovllás Márkomeanus leat arkiteakta Joar Nango, dáiddár Sille Storihle ja viessogálvohábmejeaddji Silje Figenschou Thoresen.
Čájáhusrahpan lea nuvttá.
Duorastat suoidnemánu 29. beaivvis lávvardat suoidnemánu 31. beaivái, Láhtu, Gállogieddi
Čájáhusrahpan: Duorastat suoidnemánu 29. beaivi dii. 17.00, Gállogieddi