Mánáidkonsearta: Olgun ja siste

Lávluguovttos Ole Kemény ja Otto Kiss ráhkadeaba perfeakta loahpaheami Gállogietti somás beaivái konsearttain Olgun ja siste.

Ovttas Marie Kemiin lea Ole Kemény ráhkadan sámi mánáidskearru Olgun ja siste, lávlagat sisttisdollet sihke bohccuid, ja jahkodagaid, ja tango, ja mo lea go olgguštuvvo. Musihkka lea viežžan inspirašuvnna rockas, bluesas, jazzas, luođis ja klassihkalaš musihkas.

Ole Kemény váldá Otto Kiss mielde go boahtá Márkomennui, ja ovttas soai ovdanbuktiba musihka skearrus. Eatnit ja áhčit leat maid bures boahtimat konsertii!

... muhto dát hávskes festiválabearjadat ii leat vel oalát nohkan nuoramusaide! Ovdal konseartaprográmma álgá de čájehit mánát ja nuorat váldolávddi alde maid sii áiddo leat oahppan čuojanaskaruseallas.

Mánáidkonsearta lea nuvttá buot mánáide ja nuoraide.

Bearjadat suoidnemánu 30. beaivi dii. 16.00, Stuorralávvu, Gállogieddi

Norsk side