Loga prográmmagihppaga
Gasku 70-logus vulge guhtta nuorra nieidda eret Mázes mielde jovkui man Per K. Løberg álggahii ja sihke son ja márkosápmelaš Magne Einejord bagadalai.
Joavkku namma šattai Máze Nieiddat, ja šadde Sámi vuosttaš popnásttiid gaskkas. Joavku man duon áiggi nuorat muitet ráhkisvuođain ja mas dán áiggi nuorat gullet šuva. Lávlagat nugo Goarrunmášiidna, Máze tango ja Láhppon luondu hain gullojit ja movttáskahttit sámi sivuid.
30 jagi leat dál vássán dan rájis go joavku heaittihuvvui, muhto dál leat Máze Nieiddat fas válmmas lápmudit sihke boares ja ođđa guldaleddjiid. Goaro-goaro-goaro festiválagávtti ja leage reiddas tango dánsut Gállogietti rásis!
Bearjadat suoidnemánu 30. beaivi, Váldolávdi, Gállogieddi