Koarrabadji Vaajmoe:iin

Gaittiinnat máhttet lávlut, ja dat buktá ilu vel!

Govven: Anna-Maria Fjellström

Dán jagi Márkomeanus dus lea vejolašvuohta šaddat oassin Vaajmoe-koaras.

Duorastat ja bearjadat festiválaváhkus koarra lágida baji nuoraide. Sihke boares ja ođđa lávlut leat buoragit boahtin – maiddái dat geat eai hálit leat mielde koaras eambbo go festivála áiggi. Badji loahpahuvvo konsearttain váldolávddis bearjadat eahkeda.

Vaajmoe lea Sáminuora nuoraidorganisašuvnna koarra, ja sii “lávlot eallimii”. Buot maid koarra dine manná fondii buoridit sámi nuoraid psykalaš dearv-
vašvuođa.

Márkomeannu máksá festiválapássa oasseváldiide.

Oasseváldit geat leat 18 jagi ja boarráset ožžot vejolašvuođa mátkkoštit bussain Márkomennui ja idjadit Vatnjavári skovllás bajis. Ja Márkomeannu gokčá visot goluid. Oasseváldit vuollil 18 jagi eai dađi bahábut oaččo dan vejolašvuođa, muhto besset dieđun searvat badjái festiválas.

Leat ráddjejuvvon sajit bajis.

Dieđiheapmi sáddejuvvo e-poastan, annaerika_jonsson@hotmail.com, vai telefuvnna bokte, +46 738 32 62 49. Dieđihanáigemearri lea sotnabeaivi suoidnemánu 10. beaivvi.

Duorastat suoidnemánu 28. beaivi 2011 dii. 11.00
Vatnjavári skovlá

Bearjadat suoidnemánu 29. beaivi 2011 dii. 11.00
Vatnjavári skovlá

Bearjadat suoidnemánu 29. beaivi 2011 dii. 19.00 (konsearta)
Váldolávdi, Gállogieddi

Sáminuora neahttasiidu
Vaajmoe Facebook:as

Norsk side