Mari Boine lea gearggus 2007 Márkomennui. Suoidnemánu loahpageahčen rahpá máilmmebeakkán sámi ártistá festivála ođđa váldolávddi.
Mari Boine boahtá dán jagáš Márkomennui.
Mari Boine čuojaha iežas joavkkuin bearjadaga suoidnemánu 27. beaivvi, dalle váldo Márkomeanu ođđa lávdi atnui vuosttaš geardde. Lávdi ceggejuvvo geasi mielde.
Lea nuppi geardi go Boine čuojaha Márkomeanus. Vuosttaš háve lei 1999’is, dalle lei festivála Nautås Evenáššis. Dál lágiduvvo Gállogiettis, mii maid lea Evenáššis.
Festiválahoavda Beatrice Fløystad sávvá ahte nu dovddus ártista go Mari Boine sáhttá fátmastit viidát go dušše sámi gehččiid.
- Mun sávan olbmot, geat eai soaittašii muđui boahtit Márkomennui, bohtet várrevieltái vásihit Mari Boine.
Earret Mari Boine de leat sámi joavkkut Adjágas ja Skáddjil, Skáddjila joavkkus lea maid báikkálaš ártista Anja Storelv mielde, girgosat dán jagáš Márkomennui.