Suomabealde superjoavku Áŋgelit lea ođđa attáldat dan jagi festiválagussiide Márkomeanus.
Joavku lea vižžon festiválii Per Tor Turi sajis, guhte lea ferten šluhttet iežas konseartta Márkomeanus skibavuođa geažil.
Márkomeannu lea ožžon ođđa joavkku midjas ii čuoččo festiválaplakáhtas.
Superjoavku Áŋgelit Länman-oappážat Ursula ja Tuuni njunnošis čuojahit lávvardat suoidnemánu 26. beaivvi festivála váldolávddis Gállogiettis Evenášis.
- Lei hui suddu ahte Per Tor Turi lea šaddan skibas, ja mii šállošit dieđun ahte eat beasa su gullat Márkomeanus, muhto go dat lea daddjojuvvon leat dieđun earenoamáš ávus ahte leat ožžon diekkár joavkku go Áŋgelit sin sadjái. Buoret sadjásačča ii livčče vejolaš oažžut, dadjá hui duhtavaš festiválahoavda Beatrice Fløystad.
Lea goalmmát geardde go Áŋgelit čuojahit Márkomeanus. Joavku lea ovdal leahkán festiválas 2002 ja 2006.