Dánsudáiddár ja koreografa Julia Planterhaug lea speanta dánsučájáhussii Buolažii Márkomeanu váldolávddis.
Go son eahkedis dánsu lávddis, daid golbma eara dánsariiguin, Björn Nilsson, Ratih Windrati ja Kristine Mari Hansen, lea vuosttaš háve son presentere dánsučájáhus ruovttubáikkis.
- Daningo mun fárrejin ruovttus dánssa studeret 16-jahkažan, de mun lean hui ilus beassat ruoktot boahtit ja iežan máhttu ja dovddidusa juohkit ruovttobáikkiin, dadjá Planterhaug.
Son bázii Láŋtdievá ja Skánit oalle áigá. Vuos vulggii Osloi, ovdal go jutkii Londonii dánsa- ja koreografaoahpu čađahit.
Ja dal son lea maŋos. Go dán eahkeda dánsu lávddis Gállogiettis, de oaidná mánáivuođa ruovttu Láŋtdievás. Ja moadde diimmu ovdal go čájáhus álgá, de
23-jahkašas dánsudáiddár lea speanta.
- Mun illudan hirbmat ollu odne lávddis dánsut, ja viimmát beassat čájehit bohtosa hárjehallamis. Teasta ikte manai hui bures, ja go jietna ja čuovga lea gearggas odne, de buot lea valmmas. Muhto lean speanta nai, earenomažit mo olbmot váldet vuosta čájáhusa. Da mun lean jurddašan ollu birra. Olbmot suige eai dovdda dánssa dáiddávuohkin, ja namalassii eai moderna dánssa. Muhto sávan ahte olbmot liikojit čájáhusii.
Buolaš viežžá inspirašuvnna sámi kultuvrras ja Nuorta-Norgga kultuvrras, klimas ja luonddus. Čájáhusa gullá ođđaáigasaš dánsa sjangerii, ja čájeha Planterhauga stiila.
Dál dušše generálteastta váillu. Muhto teasta ikte čájehii ávddalaš barggu, sihke dánsariin ja koregrafas. Buolaš lea čájáhus gos nannosat dovdat oidnot.
Lea stuorra ávvu Márkomennui beassat presenteret vuođđučájáhusa.
Loga eanet Buolaža birra | Geahča govaid dánsuhárjehallamis | Norsk side