Diibmá bođii hui lahka, muhto dan jagi ii sáhtán guhtege su biehttalit vuoittu. Ánne Márjá Graven šattai dan jagi juoiganbattlemeastir.
Láidesteaddji Suvi West, dan jagi juoiganbattlemeastir Ánne Márjá Graven ja diimmá juoiganbattlemeastir Ol Johan Gaup
Kárášjoga-nieida Ánne Márjá Guttorm Graven beassá ihttin reaškit gitta báŋkui go riggui 2500 ruvnnu ja sáhttá gohčodit iežas juoiganbattlemeastirin.
Šattai garra gilvu gitta finálii, muhto loahpas lei Kárášjoga-nieida Ánne Márjá Guttorm Graven guhte šattai badjelfámolaš juoiganbattlemeastirin 2008. Su bálgás finálii časkkii olggos earret eará IZÜ-doaivvu Åse Kathrin Vuolab ja báikkálaš lapmudeaddji Aina Pedersen ovdal Márkku sáŋgár Jan Henrik Eriksen vurddii su finálas. Doppe čájehii ahte lei smiđđáseamos juoigi ja duođaid ánssášii vuoittu.
Finálisttat Jan Henrik Eriksen ja Ánne
Márjá Graven