Eanet artisttat leat dál reidasat Márkomeanu 10-jagi ávvudeapmái. Sin gaskkas lea beakkán juoigi Inga Juuso joavkkuinis.
---Go Inga Juuso buktá iežas joavkku
---Márkomennui mearkkaša ahte árbevirolaš
---juoigan, improviserenmusihkka ja modearna
---elektronika seaguhuvvojit earenoamáš
---konsearttas. Juuso lea maŋimus jagiid leahkán
---mielde máŋga CDa almmuheame, earret eará
---áivan ovttasbargu Steinar Raknesain Skáidi-
---joavkkus, ja 2008 bođii su skearru Váimmu
---ivnnit/Patterns of the Heart.
---
Govven: Ole Hesledalen
Reiddas 10-jagi ávvudeapmái lea nai Kárášjohka-artista Elin Kåven, guhte galgá čuojahit lávlagiid su boahttevaš skearrus Jikŋon musihkka/Frozen Music. Lassin boahtá hurri Max Mackhé dan jagi festiválii lávlagiiguin su skearrus The Dog Inside. Goabbat artisttaid skearrut almmuhuvvojit 2009 geasi mielde.
Dat mearkkaša ahte čuovvovaš artisttat leat reidasat Márkomeanu 10-jagi ávvudeapmái: Adjágas, SomBy, Johan Sara jr., Wimme Saari, Marthe Valle, Inga Juuso, Elin Kåven ja Max Mackhé.