Sámi girječálli Sigbjørn Skåden eret Skániin lea reiden dan jagi diŋgojuvvon buktaga Márkomennui, “Rorschacha bleahkkareidehat”. Vuosehus ovdanbuktojuvvo vuosttaš geardde festiválas Evenášis.
-----------------------------------------------------------------------------Govven: Ellen Berit Dalbakk
Ovttas elektronikamusihkkariiguin Stein Kvaal Hageberg ja Gaute Barlindhaug Romssa-joavkkus 3,83 mehter musihkka, ovdanbuktá Skåden “Rorschacha bleahkkareidehat”-vuosehusa duorastaga festiválavahkus.
Buvtta lea poesiija/elektronika-ovttasbargu, gonnes beakkán psykiater Hermann Rorschacha assosiatiiva bleahkkadielkoiskkus lea álgga vuosehusas gonnes nevrohtalaš teavsttat, industriála šuoŋat ja visuála projekšuvnnat hábmejit gillái vuollesivu osiid.
Sigbjørn Skåden lea eret Láŋtdievás Skániin. Son lei mielde Márkomeanu álggaheames 1999, ja lei máŋga jagi festivála hoavda ovdal Beatrice Fløystad oaččui virggi 2007.
2009 lea vuosttaš jagi Skåden ii leat mielde festiválastivrras.
- Viimmat beassat su virgáidallat dáiddárin, dadjá festiválahoavda Beatrice Fløystad. Mii leat dan hálidan máŋga jagi, muhto guhka go čohkkái stivrras ii lean vejolaš. Ja ii mihkkege leat buoret go artistan geavahit ovtta festivála álggaheddjiin festivála 10 jagi ávvudeamis!
2007 nammaduvvui Sigbjørn Skåden Davviriikkalaš Ráđi Girjjálašvuođabálkkašupmái diktagirjái Skuovvadeddjiid gonagas.