Mánáid ja nuoraid prográmma Márkomeanus lea viiddiduvvon, ja lea dan jagi golbma beaivvi, ii fal beare akta beaivi nugo ovdal. Ođđa fálaldagat leat Rockemeannu ja Dánsomeannu, ja Nuoraidmeannu ja Mánáidmeannu leat viiddiduvvon diimmá prográmma ektui.
Festivála rahpanbeaivvi jo, gaskavahku suoidnemánu 29. beaivi, álgá Nuoraidmeannu. Nuorat gaskal 12 ja 17 jagi bovdejuvvojit kajahkka- ja buldrenkursii (gibžut stuorra gerggiid) Myklebostadas Dielddasullos. Danne idjadit nuorat lávus. Nuoraidmeannu joatká bearjadat suoidnemánu 31. beaivvi go lea aibarasmátki Stállogirkui Evenášis. Dat nai lea nuoraide gaskal 12 ja 17 jagi.
Mánáidmeannu lea nuorat mánáid doallu. Mánáide gaskal 7 ja 12 jagi álgá dan jagi festivála duorastat suoidnemánu 30. beaivvi buldrenkurssain Myklebostadas Dielddasullos. Lea beaivemátki, nu ahte mánáide lea vejolaš searvat sihke Rockemennui ja Dánsomennui, mat nai álget duorastaga suoidnemánu
30. beaivvi.
Rockemeannu lágiduvvo vuosttaš geardde, ja ritmmalaš čuojanasat ja čuojanasat maid sáhttá dearpat leat guovddážis. Alit Boazu-joavkku bártnit leat oahpaheaddjit, ja visot loahpahuvvo bearjadaga festiválavahkus ihána rockekonsearttain.
Nai Dánsomeannu lágiduvvo vuosttaš geardde dan jagi Márkomeanus. Danne besset mánát oahppat eksohtalaš čoavjedánssu oahpaheaddjis Elin Kåven, guhte lea artista dan jagi Márkomeanus. Dánsomeannu loahpahuvvo dánsovuosehusain bearjadaga ávvuriemuin. Sihke Rockemeannu ja Dánsomeannu leat mánáide ja nuoraide gaskal 8 ja 17 jagi.
Mánáidmeannu joatká bearjadat suoidnemánu 30. beaivvi. Danne ii leat ahkemearri, nu ahte nai unnimus mánát besset searvat. Beaivvi mielde besset mánát sihke málet grafitti, vádjolit luonddus, oahppat sirkusstohkosiid ja duddjot. Beaivi loahpahuvvo konsearttain mánáide Alit Boazu-joavkkuin.
Márkomeannu aŋkke oaččui doarjaga Sámedikkis mánáid ja nuoraid doaimmaide, ja danin lea vejolaš čađahit dan oasi festiválaprográmmas (geahča preassadieđáhusa dáhtonis 18.06.2009).
- Áibbas dárbbašlaš dan jagi fálaldagaid mánáide ja nuoraide Márkomeanus, ja mii leat hui ávus, sárdnu festiválahoavda Beatrice Fløystad.
Dieđuide ja dieđiheapmái doaluide, váldde oktavuođa Marianne Hættain telefuvnnas 918 11 521 dahje mailas markomeannu@vardobaiki.no.