Dán jagi diŋgojuvvon buvtta Márkomennui, Rorschacha bleahkkareidehat, vuosehuvvo Romssas dán duorastaga. Buktaga reidejeaddjit leat trio Sigbjørn Skåden 3,83 mehter musihkain.
RORSCHACHA BLEAHKKAREIDEHAT: Čájálmasas dán jagi Márkomeanus.
Sidjiide geat eai beassan oaidnit vuosehusa Márkomeanus suoidnemánus, lea dál vejolaš vásihit dan Romssas. Duorastat golggotmánu 1. beaivvi vuosehuvvo Teáhterkáfeas Holgalátti Teáhteris, KLUBB:KUIPER prográmmas Ordkalotten 2009 - Romssa gaskariikkalaš girjjálašvuođafestivála aktavuođas.
Rorschacha bleahkkareidehat lei earenoamážit diŋgojuvvon dán jagi Márkomennui, ja lea poesi/elektronika-ovttasbargu, gonnes beakkán psykiater Hermann Rorschacha assosiatiiva bleahkka-dielkoiskkus lea álgga vuosehusas gonnes nevrohtalaš teavsttat, industriála šuoŋat ja visuála projekšuvnnat hábmejit gillái vuollesivu osiid.
Čájálmas váldojuvvui hui buoragit vuostá Márkomeanus – sihke gehččiin ja medias. Ja festivála dál gámnnaha ahte buvtta eallá viidásit eará arenain.
- Lea oba buorre! Dát vuoseha ahte Márkomeannu lea dehálaš arena sámi dáiddáriidda, ja ahte huomeduvvo. Ávžžuhan nu máŋgasiid go vejolaš vuolgit Rorschacha bleahkkareidehat geahčažit Romssas – lea hui veagalaš vuosehus man beare unnán olbmot besse vásihit Márkomeanus, dadjá festiválahoavda Beatrice Fløystad.
Trios Sigbjørn Skåden 3,83 mehter musihkain leat mielde sámi girječálli Sigbjørn Skåden eret Láŋtdievás Skániin ja musihkkarat Stein Kvaal Hageberg ja Gaute Barlindhaug, goabbat eret Romssas.
Čájálmasa teavsttat leat sihke sámegillii ja dárogillii.
Loga eanet Rorschacha bleahkareidehaga birra
Loga jearahallama Sigbjørn Skådeniin álgovuosehusa ovdal Márkomeanus
Geahča govaid Rorschacha bleahkkareidehagas Márkomeanus
Geahča Ordkalotten 2009 prográmma