Diŋgojuvvon buvtta 2009 Márkomennui, Rorschacha bleahkkareidehat, vuosehuvvo boahtte mánu beassášfestiválas Kárášjogas ja Bok i Lofoten-festiválas. Buktaga reidejeaddjit leat trio Sigbjørn Skåden 3,83 mehter musihkain.
RORSCHACHA BLEAHKKAREIDEHAT: Čájálmasas 2009 Márkomeanus.
Boahtte mánnodaga, njukčamánu 29. beaivvi, vuosehuvvo Rorschacha bleahkkareidehat beassášfestiválas Kárášjogas. Cuoŋománus vuosehuvvo čájálmas Bok i Lofoten-festiválás, mii lágiduvvo Spållavuoles.
Rorschacha bleahkkareidehat lei earenoamážit diŋgojuvvon 2009 Márkomennui, ja lea poesi/elektronika-ovttasbargu, gonnes beakkán psykiater Hermann Rorschacha assosiatiiva bleahkka-dielkoiskkus lea álgga vuosehusas gonnes nevrohtalaš teavsttat, industriála šuoŋat ja visuála projekšuvnnat hábmejit gillái vuollesivu osiid.
Čájálmas váldojuvvui hui buoragit vuostá Márkomeanus – sihke gehččiin ja medias. Mannan čavčča lei Rorschacha bleahkkereidehat maid prográmmas Ordkalotten:is - Romssa gaskariikkalaš girjjálašvuođafestivála. Beatrice Fløystad, gii dalle lei Márkomeanu festiválajođiheaddji, logai:
- Lea oba buorre! Dát vuoseha ahte Márkomeannu lea dehálaš arena sámi dáiddáriidda, ja ahte huomeduvvo. Ávžžuhan nu máŋgasiid go vejolaš vuolgit Rorschacha bleahkkareidehat geahčažit – lea hui veagalaš vuosehus man beare unnán olbmot besse vásihit Márkomeanus.
Trios Sigbjørn Skåden 3,83 mehter musihkain leat mielde sámi girječálli Sigbjørn Skåden eret Láŋtdievás Skániin ja musihkkarat Stein Kvaal Hageberg ja Gaute Barlindhaug, goabbat eret Romssas.
Čájálmasa teavsttat leat sihke sámegillii ja dárogillii.
Loga eanet Rorschacha bleahkareidehaga birra
Loga jearahallama Sigbjørn Skådeniin álgovuosehusa ovdal Márkomeanus
Geahča govaid Rorschacha bleahkkareidehagas Márkomeanus