Sihke Sámediggi, Nuortalátti fylkkasuohkan ja Romssa fylkkasuohkan leat dál juolludan ruđa Márkomennui produseantavirgái.
2009 juovlamánu ozai Márkomeannu ruhtadeami virgádit produseantta festiválii Sámedikkis, Nuortalátti fylkkasuohkanis ja Romssa fylkkasuohkanis, Sámedikki ja fylkkasuohkaniid ovttasbargošiehtadusa vuođul. Lea muhttin áiggi jo leamaš čielggas ahte Sámediggi ja Nuortalátti fylkkasuohkan juolludeaba ruhtadeami. Dál lea čielgan ahte maiddá Romssa fylkkasuohkan juolluda ieas oasi produseantavirggi ruhtadeapmái.
– Mii leat hui duhtavaččat go viimmat lea produseantavirgi ollásit ruhtaduvvon. Dát lea dehálaš dáhpáhus Márkomeannu historjjás ja lea juoga maid mii guhká leat niegadan, dadjá festiválajođiheaddji Runar Myrnes Balto.
Sámediggi, Nuortalátti fylkasuohkan ja Romssa fylkasuohkan juolludit juohkehaš 200 000,-. Ruhtadeapmi lea 2010 ovddas.
Márkomeannu sávvá sis lea produseantavirgi sajis dán vahkus mii dál de boahtá.