Eanemusat bannerat ja galbbat Márkomeanu dáidda- ja giellaprošeavttas Lihkahusak leat dál bidjan bajás Ufuohtas ja Lulli-Romssas.
LIHKAHUSAK: Stunželáddu (Badedam) Evenáššiluovttas.
Sámegiel sánit ja dajáldagat juo oidnojuvvot lagasguovllus, Háštagis Narviikii, ollislaččat 7 bannerat ja 42 galbbat.
Dat lea girječálli Sigbjørn Skåden gii čuožžu banneraid ja galbbaid teavsttaid maŋabealde ja hábmejeaddji Sigurd Kristiansen gii lea hábmen daid.
Lihkahusak lea dáidda- ja giellaprošeakta dán jági Márkomeanus – ja festivála skeaŋka olbmuide. Sámegiella Ufuohtas ja Lulli-Romssas lea dán konseaptta vuođđu. Olbmot boahtit deaivat Lihkahusak sihke sajiin ja gávpogiin Ufuohtas ja Lulli-Romssas ja festiválaguovllus Gállogiettis, doppe stuorra giella-instalašuvdnan. Instalašuvnnat sáhttá oidnojuvvot festiválaguovllus duorastaga suoidnemánu 29. beaivvi rájis.
Lihkahusak lea sámegiela ávvudeapmi – ja maiddái Márkomeanu proteasta lágasbirrasa giellapolithká vuosta, gos jágiid čađa ii leat gávdnon áigumuš sámi galbbaid cegget.
Loga informašuvnna 7 banneraid ja 42 galbbaid birra
Loga eanet Lihkahusaid birra
LIHKAHUSAK: Giehtalaga (Hand i hand) Gressholmenis.
LIHKAHUSAK: Borjjasteaddji (Den seilende) Kulturviessurukkus Háštagis.
LIHKAHUSAK: Buoragit boahtin (Velkommen) Elvemo:is Skániin.
--------------------------------------------Govven buot govat: Ellen Berit Dalbakk / Márkomeannu