Alkoholavuovdin ja ođđa njuolggadusat Márkomeanus
Suoidnemánu 15. b. 2011 | Til norsk side

Dál lea vuosttaš háve go šaddá vejolaš oastit alkohola Márko-
meanus, ja dan oktavuođas leat muhttin áššit maid lea vuogas diehtit ovdal boahtá festiválii.

Mo sáhttá návddašit alkohola festiválaguovllus?
Márkomeannu vuovdigoahtá vuola, viinna ja sidera olbmuide badjel 18-jagi. Dát vuovdin lea sierra suddjejuvvon báikkis festiválaguovllus, ferte čájehit legitimašuvnna vai dohko beassá.

Sáhttá go váldit alkohola festiválaguvlui?
Ii. Festiválaguovllu váldouvssas leat vávttat geat isket lea go veaskkuin
ja lávkkain alkohola. Campa lea festiválasadji olggobealde.

Naba eará juhkamuša, nu go bruvssa ja káfe?
Ii. Vai mii sáhttit giehtaguššat daid ođđa njuolggadusaid de fertet mii leat konsekveanta, ja dadjat ahte ii leat lohpi makkárge juhkamuša
váldit fárrui. Mii geahččalat nu bures go nagodat fállat vuovdit buriid ja hálbbes juhkamušaid festiválaguovllus.

Sáhttá go festivála čalmmis doallat mu lávkka dan botta go lean festiválaguovllus?
Váldouvssa láhka lea vuorká, muhto lávka lea iežat ovddasvástádus go guođát dan.

Mii geavvá jus njuolggadusat eai čuvvojuvvo?
Jus njuolggadusat eai čuvvojuvvo de sáhttá bidjot eret festiválas. Sáhttá vel nu ge geavvat ahte festivála mearrida čuohppat eret festivála-
giehtabátti.

Manne vuovdigoahtá Márkomeannu alkohola?
Min čielga oaivil lea ahte alkoholavuovdin dagaha ahte alkohola návddašeapmi festiválas šaddá čorgadat hámis. Mihttu lea ráddjet alkoholageavaheami vuolleahkásaččaid searvvis, ja dagahit festivála-
guovllu vel eanet heivvolažžan bearrašiidda. Mearrádusa leat váldán bolesiid ávžžuhusa vuođul.

Dahká go festivála dán dinen dihte eanet ruđaid?
Márkomeannu ii hálit ruđaid dinet alkoholavuovdimiin. Mii bargat dan
ala ahte doalahit min hattiid nu vuollin go vejolaš, ja daid ruđaid maid
mii dinet vuola, viinna ja sidera vuovdimiin galgá geavahuvvot gokčat eará olggosgoluid mat mis leat alkohola vuovdima oktavuođas. Eará olggosgolut leat earret eará nannejuvvon bearráigeahčču festiválas, ja erenoamáš rusttegiid láigoheapmi.

Ii bat Márkomeannu leat šat mánáid- ja bearašfestivála?
Mii oaivvildat ahte go bidjat sierra alkoholaguovllu de mii láhččit nu
ahte Márkomeannu šaddá vel buoret festivála mánáide ja bearrašiidda. Mánát eai oainne juhkama, ja ožžot dainna vugiin vel stuorát guovllu
gos oadjebasat sáhttet viegadit. Mii áigut maid, eanet go ovdal, bidjat mánáid-doaimmaid miehtá guovllu.

Alkoholavuovdin ja ođđa njuolggadusat Márkomeanus Suoidnemánu 15. b. 2011 | Til norsk side

Alkoholavuovdin ja ođđa njuolggadusat Márkomeanus
Suoidnemánu 15. b. 2011 | Til norsk side