Leat go niibbit dáidda? Jo, go garraduojár Håvard Larsen, Báhccavuonas eret, dudjo niibbiid dan árbevirolaš vuogi mielde de oaidná ahte dat duođaid lea dáidda.
Muhto vaikke leat ge niibbit mat leat Larsena dovdomearka, de lea son albma máŋggasuorggat dáiddár. Son ráhkada akvareallamáleriijaid, sáltebohtaliid, bolluid ja goavdásiid.
Márkomeannu 2009 čájálmas šaddá dannege hárvenaš máŋggabealat njálggespose.
Gonagas Olav oaččui niibbi maid Larsen lei dudjon dalle go Sámediggi ráhpui 1989s, nu ahte don dieđát don leat hearráid searvvis jus oasttát ovtta dáin erenoamán dujiin.
Čájálmas rahppo distada geassemánu 29. beaivvi Gállogiettis ja bistá olles festiválavahkku.
